Sar Se Chadar Badan Se Qaba Le Gai

Sar Se Chadar Badan Se Qaba Le Gai

Zindagi Hum Faqiron Se Kiya Le Gai

Meri Mutthi Mein Sukhe Huye Phool Hain

Khushboon Ko Urakar Hawa Le Gai

Main Samundar K Sine Mein Chattan Tha

Raat Ek Mauj Aayi Baha Le Gai

Hum Jo Kagaz The Ashkon Se Bhige Huye

Kyon Chiragon Ke Lau Tak Hawa Le Gai

Chand Ne Raat Mujhko Jaga Kar Kaha

Ek Ladaki Tumhara Pata Le Gai

Meri Shoharat Siyasat Se Mahafus Hai

Ye Tawayaf Bhi Ismat Bacha Le Gai

Post Comment

Sun Li Jo Khuda Ne Wo Dua Tum To Nahi Ho

Sun Li Jo Khuda Ne Wo Dua Tum To Nahi Ho

Daravaze Pe Dastak Ki Sada Tum To Nahi Ho

Simati Hui Sharmai Hui Raat Ki Rani

Soi Hui Kaliyon Ki Haya Tum To Nahi Ho

Mahasos Kiya Tum Ko To Gili Hui Palken

Bhige Huye Mausam Ki Ada Tum To Nahi Ho

In Ajanabi Rahon Mein Nahi Koi Bhi Mera

Kis Ne Mujhe Youn Apna Kaha Tum To Nahi Ho

Post Comment

Barey Shauq Se Mera Ghar Jala Koi Aanch Na Tujha Peh Aayegi

Wohi Taj Hai Wohi Takht Hai Wohi Zeher Hai Wohi Jam Hai

Ye Wohi Khuda Ki Zamin Hai Ye Wohi Booton Ka Nizam Hai

Barey Shauq Se Mera Ghar Jala Koi Aanch Na Tujha Peh Aayegi

Ye Zuban Kisi Ne Kharid Li Ye Qalam Kisi Ka Gulam Hai

Main Ye Manata Hun Mere Diye Teri Aandhiyon Ne Bujha Diye

Magar Ik Jogno Hawaon Mein Abhi Roshni Ka Imam Hai

Post Comment

Aj Ke Pyar Ko Mayub Samajhate Honge

Wo Ghazal Walon Ka Uslub Samajhate Honge

Chand Kehete Hain Kise Khub Samjhte Honge

Itni Milati Hai Meri Ghazlon Se Surat Teri

Log Tujh Ko Mera Mahboob Samjhte Honge

Main Samajhta Tha Muhabbat Ki Zaban Khushbu Hai

Phool Se Log Isse Khub Samjhte Honge

Bhool Kar Apna Zamana Ye Zamane Wale

Aj Ke Pyar Ko Mayub Samajhate Honge 

Post Comment