Zalim Ab K Bhi Na Roye Ga To Mar Jaye Ga

Aankh se door na ho dil se utar jaye ga

Waqt ka kiya hai guzarata hai guzar jaye ga

Itana manoos na ho Khilwat-e-Gham se apani

Tu kabhi Khud ko bhi dekhe ga to dar jaye ga

Tum sar-e-raah-e-wafa dekhate rah jao ge

Aur wo baam-e-rafaqat se utar jaye ga

Zindagi teri ata hai to ye janewala

Terii baKhshiish terii dahaliiz pe dhar jaayega

Doobate doobate Kashti to Uchhala de don

Main nahin koi to Sahil pe utar jaye ga

Zabt lazim hai magar dukh hai qayamat ka ‘Faraz’

Zalim ab ke bhi na royega to mar jaye ga

Post Comment