Ab Ke Ham Bichhare To Shayad Kabhi Khawabon Main Milain
Jis Tarah Sookhe Howe Phool Kitabon Main Milain
Dhondh Ujare Howe Logon Main Wafa Ke Motii
Ye Khazaane Tujhe Mumkin Hai Kharaabon Main Milain
Tu Khuda Hai Na Mera Ishq Farishton Jaisa
Donon Insan Hain To Kyon Itane Hijabon Main Milain
Gham-E-Duniya Bhi Gham-E-Yaar Main Shamil Kar Lo
Nasha Barata Hai Sharabain Jo Sharabon Main Milain
Aaj Ham Daar Pe Khainche Gaye Jin Baaton Par
Kya Ajab Kal Wo Zamane Ko Nisabon Main Milain
Ab Na Wo Main Hoon Na Tu Hai Na Wo Mazi Hai `Faraz'
Jaise Do Shakhs Tamanna Ke Sarabon Main Milain..
