.jpg)
Zikr-e-shab-e-firaq se wahashat use bhi thi
Meri tarah kisi se Muhabbat use bhi thi
Mujh ko bhi shauq tha naye chehron ki deed ka
Rasta badal k chalne ki adaat use bhi thi
Us raat dair tak wo raha mahw-e-guftagu
Masrof main bhi kaam tha faragat use bhi thi
Sunata tha wo bhi sab se purani kahaniyan
Taza rafaqaton ki zarurat use bhi thi
Mujh se bichar k shahar main ghool mil gaya wo shakhs
Halanke shahar bhar se raqabat use bhi thi
Wo mujh se barh k zabat ka adhi tha ji gaya
Warna har ek sans qayamat use bhi thi
