AWARGI

Ye dil ye pagal dil mera kyon bujha gaya AWARGI

Is dasht main ik shahar tha wo kya hua AWARGI

Kal shab mujhe be-shakl si awaz ne chaunka diya

Main ne kaha tu kaun hai us ne kaha awaragi

Ik tu ki sadiyon se mere hamrah bhi hamraz bhi

Ik main k tere nam se nashna AWARGI

Ye dard ki tanhaiyan ye dasht ka wiran safar

Ham log to ukta gaye apni suna AWARGI

Ik ajnabi jhonke ne jab pucha mere gam ka sabab

Sahara k bhigi ret par main ne likha awaragi

Le ab to dasht-e-shab ki sari wusaten sone lagin

Ab jagna hoga hamain kab tak bata AWARGI

Kal rat tanha chand ko dekha tha main ne khwab main

‘Mohsin’ mujhe ras ayegi shayad sada AWARGI

Post Comment