Chehra Mera Tha Nigahen Us Ki
Khamushi Main Bhi Wo Baten Us Ki
Mere Chehre Pe Ghazal Likhti Gain
Sher Kahti Hui Ankhen Us Ki
Shokh Lamhon Ka Pata Dene Lagin
Tez Hoti Hui Sansen Us Ki
Aise Mausam Bhi Guzare Hum Ne
Subhen Jab Apni Thin Shamain Us Ki
Dhyan Main Us K Ye Alam Tha Kabhi
Aankh Mahtab Ki Yaden Us Ki
Faisala Mauj-E-Hawa Ne Likkha
Andhiyan Meri Baharen Us Ki
Neend Is Soch Se Tuti Aksar
Kis Tarah Katati Hain Raaten Us Ki
Dur Rah Kar Bhi Sada Rahti Hai
Mujh Ko Thame Hue Bahen Us Ki
